မင်းမသိလေသော

မင်းမသိလေသော
      ~~~~~~~❀ ~~~~~~~~
   ပြည်မြို့ရဲ့ ကမ်းနားလမ်းတစ်ခုက ထိုင်ခုံပေါ် ကုန်ခါနီးစီးကရက်တစ်ခုကို ခပ်ပြင်းပြင်းရှိုက်ထုတ်ရင်း မီးခိုးငွေ့တွေကို အဓိပ္ပါယ်မဲ့ ကြည့်နေမိတယ် ခပ်ဖြူးဖြူးတိုက်လိုက်တဲ့ လေတစ်စုကြောင့် မီးခိုးငွေ့တို့ ဝေးရာလွင့်သွားကြတယ်။
လွင့်မျောနေကြသော မီးခိုးငွေ့တွေနဲ့အတူ ကျွန်တော့ရဲ့ အတွေးတွေသည်လည်း တစ်စနဲ့ တစ်စ လွင့်ပျံလာခဲ့တော့သည်..........။
        `ငါတို့ အရင်လို သူငယ်ချင်းအဖြစ်ပဲနေကြရအောင်နော်´
         ကျွန်တော်စွဲလမ်းမိတဲ့ သူမရဲနှုတ်ခမ်းထက်ကစကားတစ်ချို့. ။     စကားတောင်မဆုံးသေးပါဘူး ဘယ်ရင်အုံက တဆစ်ဆစ်နဲ့.။နားကြားမှားမိလေခြင်းလား.။ မဟုတ်ပါ။ နောက်တစ်ခါထပ်ပြောပြတယ်။ ဘာလို့လဲ ဆိုသော စကားမှအပ မည်သည့်စကားတစ်ခွန်းမှ နှုတ်ခမ်းထက်နေရာမယူရဲကြတော့......။
           စိတ်တွေဂယောက်ဂယက်နဲ့ ဟိုဟိုဒီဒီလျှောက်တွေးနေရင်း သူမရဲ့ မျက်ဝန်းတစ်စုံက ကျွန်တော့် အတွေးတွေထက်နေရာယူကြရင်း ပါးထက်ကတလိမ့်လိမ့်စီးလာတဲ့ မျက်ရည်ကိုတောင် သတိမပြုမိတော့။
         သူမ မှန်ပါတယ်။
ကျွန်တော်ဆိုတာက ကဗျာနဲ့သီချင်းကလွဲရင် ဘယ်အရာမှအရေးမထားတတ်သောလူ။
သူမအတွက် လက်တွေ့ဘ၀ဆိုတာ ဘယ်ခါမှဖန်တီးပေးဖို့ မလွယ်ကူခဲ့တဲ့လူ။ အဲ့လိုလူတစ်ယောက်အနေနဲ့ ဒီနေ့ရဲ့ ရလာဒ်က ထိုက်တန်ခဲ့ပါတယ်။ သို့သော် ရင်တစ်ခုလုံး နင့်နေအောင် ဒဏ်ရာဆုတွေပိုက်ယူခဲ့ရတယ်။
             အချစ်ဆိုတာဘာလဲ?
ဒီမေးခွန်းတစ်ခုအတွက် ကဗျာဆရာတွေ သီချင်းရေးဆရာတွေ အမျိုးမျိုးရေးဖွဲ့ကြခဲ့တယ်။ဒီတော့ ကျွန်တော့်လိုလူတစ်ယောက်အနေနဲ့ရော အချစ်ဆိုတာ ဘယ်လိုအဓိပ္ပါယ်ဖွင့်ရမလဲ။ ဘာရယ်တော့သေချာမသိခဲ့ဘူး။ ရင်တစ်ခုလုံး ကြွေကျမတတ်ဖြစ်သွားခဲ့တာတော့ ပါးထက်ကမျက်ရည်က အသိအမှတ်ပြုပေးတယ်။
               ရုတ်တစ်ရက် တစ်ချက်မွေ့တဲ့လေပွေကြောင့် တွေးလက်စအတွေးစတွေ ပျောက်ကွယ်ခဲ့ရတယ်။ ရလိုက်တဲ့အနံ့တစ်ခုကြောင့် လေလာရာမျှော်ကြည့်မိရင်း အနီရောင်သွေးနဲ့ နှင်းဆီရုံတစ်ခု။
                   အို နှင်းဆီရယ်......
မင်းရဲ့အရောင်အသွေးတွေ အရမ်းလှနေပါ့လား
       ဒါပေမယ့်ကွာ မင်းရဲ့အလှက ငါ့ချစ်သူထက်မသာနိုင်ဘူး...........
                     အိုနှင်းဆီရယ်.......
မင်းရဲ့ရနံ့သင်းတွေ အရမ်းမွှေးပါလား
         ဒါပေမယ့်ကွာ ငါ့ချစ်သူပါးက သနပ်ခါးထက် ငါ့ကိုမစွဲလမ်းစေတာ အမှန်ပဲ.......
                      အိုနှင်းဆီရယ်...... 
မင်းရဲ့အကိုင်းမှာ အဆိပ်ဆူးတွေအပြည့်ပါလား..
          ငါ့ချစ်သူမှာလည်း မင်းလို ခူးသူဆူးစေတဲ့
မာန ဆိုတာလားတော့မသိဘူး အဆိပ်တက်တဲ့ အရာတစ်ခုရှိတယ်.......။
                           အို နှင်းဆီရယ်....
မင်းကိုသာ ငါငေးကြည့်ခွင့် ခူးဆွတ်ခွင့်ရှိတာပါ...
             ငါ့ချစ်သူကိုတော့ ငေးကြည့်ခွင့်တောင် မရှိနိုင်တော့ဘူးလေ.......။
                တဖွဖွရေရွတ်နေမိတဲ့ နှုတ်ခမ်းတစ်စုံကို အသာရပ်ပီး သူမမသိလေသော ကျွန်တော့ရဲ့ အချစ်တွေအတွက် ရူးသွပ်ခြင်းတစ်ခုလေလားဟု တွေးမိနေခဲ့တယ်။
              သူမသိပါလေစ.....
ကျွန်တော်သူ့ကို အရမ်းချစ်တယ်ဆိုတာ....
              သူမသိပါလေစ...... ...
သူမနဲ့ ဖုန်းမပြောဖြစ်တဲ့နေ့တွေဆို သီချင်းတွေအကျယ်ကြီး အော်ဟစ်ဆိုနေခဲ့မိတာတွေ
                သူမသိပါလေစ........
လူချင်းမတွေ့ဖြစ်တဲ့အခါ အမြဲတမ်းကြည့်ဖြစ်တဲ့ သူမရဲ့ဓာတ်ပုံလေးပေါ်မှာ ကျွန်တော့်နှုတ်ခမ်းတွေ မှေးအိပ်ခဲ့ကြတယ်ဆိုတာ.....
                 သူမသိပါလေစ......
စိတ်ဆိုးနေတဲ့အချိန်တွေမှာတောင် သူမ အတွက် ကြိုးစားပီးပြုံးနေခဲ့ရတာတွေ.........
               သူမ သိပါလေစ............
လမ်းခွဲကြမယ်ဆိုတဲ့စကားကို သေမလောက်ကြောက်ခဲ့ရတဲ့ ကျွန်တော့်အဖြစ်တွေ..........။

                လွင့်နေသောအတွေးတို့ကို စုစည်း၍ ထိုင်ခုံထက်မှ အိမ်ပြန်ရန် ထမိသောခဏ။
နားထဲရောက်လာလာသော အသံတစ်ခုကြောင့် အလိုလိုမျက်ရည်ကျလာခဲ့တယ်၊။
        အနီးနားအိမ်တစ်ခုမှဖွင့်ထားသော.....
ဝနရဲ့ `နင်မရှိတော့ရင်´ဆိုတဲ့သီချင်း.......
အရမ်းကြိုက်တဲ့ သီချင်းဖြစ်တာကြောင့် စာသားတွေအလွတ်ရနေခဲ့တယ်။ သီချင်းသံကို ခပ်ဖွဖွလိုက်ဆိုရင်း အိမ်ပြန်တဲ့ ခြေလှမ်းတို့က အသက်မဲ့စွာ.......။
                   ... ........ဇရပ်ပျက်..........

Posted by .ဇော်ရဲ { N.P.T }